Pak më parë u raportua se Policia e Shtetit mund të ketë qenë shënjestër e një sulmi kibernetik, pasi u mësua se kishte dhënë urdhër për fikjen e të gjithë pajisjeve kibernetike.

Mbi ngjarjen ka reaguar Policia e Shtetit, e cila sqaron se një masë e tillë është marrë për të garantuar sigurinë.

Në reagimin e policisë për mediat, sqarohet se të gjithë sistemet vazhdojnë funksionimin e tyre normalisht.

Reagim i Policisë së Shtetit:
Lidhur me publikimet e ndryshme në media për një sulm kibernetik, Policia e Shtetit sqaron opinionin publik se në mënyrë të vazhdueshme, në bazë të një pune profesionale parandaluese, merr masa për forcimin e garantimin e sigurisë dhe mirëfunksionimin e sistemeve në përdorim.
Sistemet në përdorim nga Policia e Shtetit vazhdojnë funksionimin e tyre normalisht.

Kjo nuk është hera e parë kur Policia e Shtetit bie pre e sulmeve, apo dhe institucione të tjera, ndërsa precedenti i rëndë është ai me sistemin TIMS.
Gjithashtu, 3 vitet e fundit Shqipëria është përballur me sulme të vazhdueshme kibernetike duke nxjerrë jashtë funksionit disa herë portalet qeveritare dhe për rrjedhojë të dhënat sensitive të qytetarëve janë marrë dhe bërë publike.
Pas këtyre sulmeve dyshohet se fshihen hakera iranianë.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co