LIVE SHQIPËRI-ÇEKI 0-0

NGJARJET KRYESORE

90’+2’ Abrashi ndëshkohet me karton të verdhë.

90’ Jepen 3 minuta shtesë.

84’ Tuci dhe Laçi lënë fushën e lojës duke i bërë vend Abrashit dhe Uzunit.

83’ Lingr dhe Kushta hyjnë në fushë në vend të Provod dhe Shulc.

83’ Asllani ekzekuton një goditje dënimi që fillimisht e përplas në murin mbrojtës e më pas fluturon sferën mbi traversë.

72’ Bajrami i lë vendin në fushë Muçit.

67’ Një harkim në zonë ulet për Suçek i cili për fat nuk gjen devijimin para Strakoshës. (VIDEO)

66’ Pas një goditje nga këndi, Hlozhek tenton portën por sfera devijohet jashtë.

64’ Hori dhe Çerni i lënë vendin në fushë Hlozhek dhe Kliment në radhët e Çekisë

57’ Top në thellësi për Seferin i cili rrëzohet pas një kontakti, gjyqtari bën shenjë që loja të vazhdojë. (VIDEO)

55’ Edhe Hori përfundon në listën e të ndëshkuarve me karton të verdhë.

53’ Top në të djathtën për Laçin i cili kontrollon dhe gjuan, por sfera devijohet nga një mbrojtës në këndore.  (VIDEO)

52’ Në këndoren vijuese, topi shkon te Tuci i cili gjuan por gjen portierin në pozicion. (VIDEO)

51’ Kundërsulm i shpejtë i kuqezinjve, një gjuajtje e Bajramit devijohet në këndore.

48’ Çerni nga e djathta lëshon një gjuajtje të rrezikshme ne shtyllën e dytë, të cilën Strakosha e grushton. Më pas topi shkon te Shulc i cili gjuan nga distanca duke çuar sferën larg portës. (VIDEO)

46′ Pjesa e dytë nis pa ndryshime.

45’+2’ Mbyllet pa gola pjesa e parë.

45’ Jepen 2 minuta shtesë.

45’ Balliu nga e djathta pason në shtyllën e parë ku Laçi gjuan me kokë, portieri i miqve grushton dhe shpëton katërkëndorin. (VIDEO)

42’ Laçi gjen hapësirë jashtë zonës, por gjuajtja e tij nuk shkon drejt portës. (VIDEO)

40’ Miqtë mundohen të gjejnë Hori me një top në thellësi, Strakosha i vëmendshëm pret sferën.

35’ Aksion i rrjedhshëm në krahun e majtë, topi shkon te Bajrami i cili gjuan nga jashtë zonës, por nuk gjen trajektoren e duhur për të çuar sferën në portë. (VIDEO)

30’ Seferi hyn në fushën e lojës në vend të Asanit të dëmtuar.

29’ Asani nuk mund të vazhdojë me dhe lë fushën e lojës.

27’ Probleme për Asanin i cili kërkon ndihmën e stafit mjekësor.

25’ Çerni gjuan nga jashtë zonës, sfera devijohet dhe vë në vështirësi Strakoshën i cili kontrollon në dy kohë. (VIDEO)

23’ Top në thellësi për Çern, Strakosha del dhe mbërthen sferën para sulmuesit.

19’ Provod gjuan nga distanca, me të majtën, sfera përfundon jashtë katërkëndorit kuqezi. (VIDEO)

17’ Bajrami në të majtën gjen hapësirë dhe hyn në zonë, por më pas nuk ia del të pasojë në qendër për shokët e skuadrës. (VIDEO)

14’ Suçek ndëshkohet me karton të verdhë për faull ndaj Tucit.

13’ Predhë nga distanca e Suçek, përsëri traversa shpëton portën e Strakoshës.(VIDEO)

12’ Traversa shpëton kuqezinjtë! Në vijimin e një goditje këndi, Jemelka gjuan me kokë, por traversa ndal goditjen e tij. (VIDEO)

10’ Kujdes absolut nga të dy ekipet, me çekët që kontrollojnë gjatë topin dhe kuqezinjtë që nuk lejojnë asnjë hapësirë pranë zonës.

4’ Presing i Asanit i cili mundohet t’i vjedhë topin Boril, por më pas ëhstë Holesh i cili largon rrezikun para zonës së tij.

3’ Minuta e parë janë me çekët në mbajtje të topit që mundohen të qarkullojnë sferën.

1’ Shkelmohet topi i parë në “Arenën Kombëtare”.

FORMACIONET ZYRTARE

SHQIPËRIA: Strakosha, Balliu, Ismajli, Ajeti, Mitaj, Ramadani, Asllani, Laçi, Bajrami, Asani, Tuci.

Trajner: Silvinjo

ÇEKIA: Kovar, Kufal, Holesh, Jemelka, Boril, Çerv, Suçek, Çerni, Shulc, Provod, Hori.

Trajner: Ivan Hashek

PANORAMASPORT.AL