Ukraina ka thërritur të enjten në mbrëmje një diplomate të lartë mongole lidhur me refuzimin e vendit të tij për të arrestuar presidentin rus Vladimir Putin sipas urdhrit të Gjykatës Ndërkombëtare Penale gjatë vizitës së tij në vendin fqinj në fillim të këtij muaji, transmeton Anadolu.

“Më 12 shtator, Ministria e Punëve të Jashtme e Ukrainës paraqiti një demarsh ndaj palës mongole gjatë takimit me Drejtoreshën e Përgjithshme të Departamentit për Evropën dhe Afrikën pranë Ministrisë së Punëve të Jashtme të Mongolisë, Gankhuurai Battungalag, e cila u thirr nga pala ukrainase për të mbërritur në Kiev nga Ulaanbaatari”, tha ministria në një deklaratë.

Ukraina ka shprehur “zhgënjim të thellë” me vendimin e Mongolisë për të mos respektuar detyrimet e saj sipas Statutit të Romës, duke mos ekzekutuar urdhrin.

“Ukraina nuk do t’i lërë veprimet e tilla pa reagimin e duhur. Vendimi i Mongolisë do të merret parasysh gjatë formimit të qasjeve politike për zhvillimin e marrëdhënieve dypalëshe, si dhe qëndrimit të Ukrainës për mbështetjen e këtij vendi në formatet ndërkombëtare”, thuhet më tej.

Ministria tha se Ukraina mbetet ende me shpresë se Mongolia do të ndërmarrë hapa kuptimplotë për të rivendosur “marrëdhëniet tradicionalisht miqësore dhe konstruktive”.

Putin vizitoi Ulaanbaatarin më 3 shtator për të shënuar 85-vjetorin e fitores së përbashkët të Rusisë dhe Mongolisë ndaj Japonisë gjatë betejave në Khalkhin Gol në Luftën e Dytë Botërore.

Kjo ishte vizita e parë e Putinit në një vend që është anëtar GJNP-së që kur gjykata lëshoi ​​një urdhër arresti për të në mars 2023.

Burimi informacionit @BalkanWeb: Lexo me shume ne : Bota Sot News botasot.co