Kushtet që Arabia Saudite po i ofron sulmuesit të Realit, Vinicius për ta tunduar tashmë janë sheshit: 1 miliard euro për pesë sezone, pra 200 milionë neto në vit! Kontrata më e mirë (e çmendur) që një sportist ka nënshkruar ndonjëherë në histori.

Sipas gazetës “AS”, oferta saudite është ende në pritje, por nuk është ndërmarrë asnjë veprim i mëtejshëm pas asaj që ndodhi verën e kaluar, e cila ishte shumë serioze. E vetmja gjë që ka mbetur është premtimi arab se nga qershori e tutje ata do të kthehen në valle.

“Ne do të nënshkruajmë atë pavarësisht se çfarë shume do të na duhet të paguajmë”, u kanë komunikuar ata agjentëve të Vinit prerazi. Dhe ata janë duke monitoruar rregullisht situatën.

PANORAMASPORT.AL