Mançester Junajtid është në kërkim të fitores së pestë radhazi në transfertën ndaj Uolvesit. Këta të fundit nuk e kanë mposhtur Junajtidin në shtëpi që nga prilli 2019, një seri prej gjashtë ndeshjesh në të gjitha kompeticionet.

Një gol fitoreje në minutën e 97- të i dha Junajtidit një fitore 4- 3 në “Molineux” herën e fundit që skuadrat u takuan në shkurt. Kjo është hera e katërt që “Ujqërit” janë në zonën e rënies në Premier Ligë në ditën e Krishtlindjeve. Ata ranë nga kategoria në 2003-04, por mbijetuan në 2010-11 dhe 2022- 23.

Uolves mund të barazojë rekordin e Premier Ligës për numrin e humbjeve në shtëpi në një vit kalendarik: 13 që mbahet nga Ipsuiçi në 1994. Në “Molineux” këtë sezon ata e kanë ruajtur portën e paprekur në kampionat në vetëm një ndeshje. Sidoqoftë, Vitor Pereira mund të bëhet trajneri i dytë portugez që fiton dy ndeshjet e tij të para në Premier Ligë, duke imituar Zhoze Murinjon te Çelsi në gusht 2004.

Mançester Junajtid ka humbur tre nga katër ndeshjet e fundit të kampionatit, duke pësuar golin e parë në të gjitha. Numri prej 22 pikësh i “Djajve” është më i ulëti i tyre pas 17 ndeshjeve të ligës në një sezon, që nga 1989-90. Ata janë në gjysmën e dytë të tabelës për Krishtlindje për herë të parë që nga ai sezon.

Ata kanë pësuar 17 gola në Premier Ligë nga goditjet standarde (me përjashtim të penalltive) në vitin 2024, që është shifra më e lartë e tyre në një vit kalendarik. Ruben Amorim ka marrë vetëm gjashtë pikë nga gjashtë ndeshjet e tij të para në Premier Ligë. Por Mançester Junajtid mban rekordin e ligës angleze prej 54 fitoresh në “Boxing Day”. Bruno Fernandesh nuk ka arritur të shënojë në asnjë nga tetë ndeshjet e tij në Premier Ligë kundër Uolvesit.

PANORAMASPORT.AL