TIRANË- Sot në orën 18:00 në Qytetin Studenti në Tiranë do të mbahet një marshim-protestë për të drejtat e grave në vend.

Në lidhje me këtë marshim-protestë, ka folur me Skype për News 24 edhe aktivistja Zhaklin Lekatari. Lekatari deklaroi se ngjarjet e fundit na kanë tronditur dhe situata duhet të ndryshojë.

“Sot në orën 18:00 në qytetin Studenti do të mbajmë një marshim-protestë. Jemi bërë bashkë të gjitha këtë vit, edhe sepse ngjarjet e fundit na kanë tronditur.

Ja kemi vënë në protestë logon “Nata është e jona”, sepse nata është pjesa më e frikshme për një grua, e cila ndonjëherë natën ka frikë të shkojë nga puna në shtëpi, ka frikë të ecë lirshëm natën. Rrugët nuk iu përkasin vetëm meshkujve, por edhe femrave. Momenti i errësirës është ai moment kur ajo mund të dhunohet, grate nuk janë të sigurta. Duhet të ndërgjegjësohen të gjithë, sepse liria e grave është në fund të ditës demokraci më e mirë”, deklaroi Lekatari.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co