Guvernatori i Floridës, Ron DeSantis, nënshkroi ligjin për të ndaluar fëmijët nën 14 vjeç të krijojnë një profil në platformat sociale në internet, madje duke fshirë ato ekzistuese.
Teksti, i shtyrë nga republikanët shtetërorë për të luftuar “varësinë” ndaj mediave sociale, u modifikua pjesërisht nga Senati i shtetit për të lejuar përdorimin nga të miturit midis moshës 14 dhe 16 vjeç, por vetëm me pëlqimin e qartë të prindërve të tyre.
Ligji ka të bëjë veçanërisht me platformat që monitorojnë aktivitetin e përdoruesve për qëllime reklamimi ose për të ndikuar në algoritmin e përmbajtjeve të dukshme në to, si dhe ato që lejojnë ngarkimin e përmbajtjeve ose shikimin e atyre të publikuara nga përdorues të tjerë. Megjithatë, platformat e përdorura për email, mesazhe, transmetim të përmbajtjes multimediale, lajme të shtypit dhe sport, si dhe argëtim, blerje në internet dhe lojëra video janë të përjashtuara.
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
