Ministri i Drejtësisë Ulsi Manja, ka vizituar sot Burgun e Grave në Ali Dem.

Në një prononcim për mediat, mes të tjerash ai foli edhe në lidhje me Amnistinë Penale, për të cilën tha se mazhoranca është e gatshme të tërhiqet nga amnistimi i të dënuarve nga Gjykata e Posaçme, ndërsa shtoi se drafti duhet të marrë të gjitha votat në Kuvend.

Manja tha se nëse problemi i vetëm është ky amendament, ai do të tërhiqet.

“E kam thënë që ditën e parë, nëse problemi është ai amendament, ne kemi deklaruar jemi të gatshëm të tërhiqemi, sepse nuk ka qenë në versionin zyrtar. Por nëse do të pyesni një zonjë brenda burgut, e cila është dënuar nga GJKKO, mendojeni dhe pozitën e asaj që priste.
Dakordësia dhe kompromisi, është të hiqet dorë. Ne jemi të gatshëm të tërhiqemi”, tha Manja.

Burimi informacionit @BalkanWeb: Lexo me shume ne : Bota Sot News botasot.co