Në një ceremoni gala në Paris mbrëmjen e djeshme, Topi i Artë iu dha mesfushorit të Manchester Cityt, Rodri. Fituesi i shumëfishtë i këtij çmimi, portugezi Cristiano Ronaldo, nuk u paraqit në ceremoni, por megjithatë tërhoqi vëmendje.

Pa ftesë, të gjithë ish-fituesit e Topit të Artë (Ronaldo ka pesë) mund të marrin pjesë në ceremoni, por Ronaldo nuk e shfrytëzoi mundësinë. Si një ish-fitues, ai kishte gjithashtu të drejtën të votonte për trofeun e Kupës që i jepej lojtarëve të rinjë më të mirë.

Megjithatë, Ronaldo nuk ka dashur të votojë për të dytin vit radhazi dhe gjithçka është konfirmuar nga redaktori i France Football, Vincent Garcia: “Fituesit kanë të drejtë të jenë të pranishëm në të gjitha ceremonitë, por jo të gjithë vijnë, disa janë shumë të zemëruar me ne.

Nuk e di me siguri nëse edhe Cristiano është i zemëruar, nuk flas drejtpërdrejt me të, por e di që ish-fituesit votojnë për trofeun e Kupës, për futbollistin më të mirë të ri dhe Cristiano nuk votoi vitin e kaluar dhe nuk votoi as tani”, tha Garcia. /Sport Ekspres/

Burimi informacionit @Gazeta Sport Ekspres: Lexo me shume ne : Gazeta Sport News gazeta sport news