Portieri i Juventusit, Perin, me siguri ishte më i miri jo vetëm i takimit kundër Shtutgart, por edhe më i miri i mbrëmjes së djeshme në Champions League. Në një natë katastrofë për bardhezinjtë, portieri ruajti sadopak nderin e italianëve.

Një penallti e pritur, të paktën 3 gola të tjerë të sigurtë të evituar, Perin bëri gjithçka që Juventusi të mbetej në lojë dhe të mos pësonte. E megjithatë, natën e italianëve ishte aq e keqe sa edhe “Zoti” i zbritur në tokë nuk mund t’i ndalonte nga pësimi i humbjes. Shtutgarti shënoi një gol në shtesë, për ta mbyllur ndeshjen në 0-1.

Përjetimi për Perin ishte i madh pasi i shkoi dëm gjithë super performanca e zhvilluar. Pavarësisht se është shpallur lojtari i ndeshjes, portieri ka shpërthyer në lot për atë gol të pësuar dhe për faktin se të gjithë ato pritje shkuan më kot pasi nuk u grumbullua të paktën një pikë. /Sport Ekspres/

Burimi informacionit @Gazeta Sport Ekspres: Lexo me shume ne : Gazeta Sport News gazeta sport news