SHBA-ja po dërgon trupa në Lindjen e Mesme si përgjigje ndaj rritjes së dhunës midis Izraelit dhe Hezbollahut dhe ndërsa rajoni është në prag të një lufte në shkallë të gjerë. Pentagoni njoftoi të hënën se do të vendosen forca ‘shtesë’ për t’u bashkuar me 40,000 trupat e stacionuar tashmë në rajon.

Izraeli ka shtuar sulmet e tij ajrore thellë brenda Libanit dhe Departamenti i Shtetit ka paralajmëruar të gjithë amerikanët që të largohen pasi rreziku i konfliktit shkon në nivele që nuk janë parë prej vitesh.

Tensionet kanë arritur pikën e vlimit në shtatë ditët e fundit dhe kanë filluar të përkeqësohen kur pajisjet komunikuese dhe radiomarrësit në pronësi të anëtarëve të Hezbollahut shpërthyen në një sulm të koordinuar javën e kaluar.

Sulmet shkatërruese ajrore nga ushtria izraelite të hënën vranë të paktën 100 njerëz dhe plagosën 400 të tjerë në Liban ndërsa avionët luftarakë të IDF goditën objektivat në të gjithë vendin. Banorët e tmerruar në Bejrut morën telefonata dhe mesazhe që i paralajmëronin të largoheshin nga objektivat e Hezbollahut, me ministrin e informacionit të Libanit që dënoi alarmet si një taktikë të ‘luftës psikologjike të zbatuar nga armiku’.

Burimi informacionit @BalkanWeb: Lexo me shume ne : Bota Sot News botasot.co