Filmi pro-eutanazisë, “The Room Next Door”, ka fituar çmimin e filmit më të mirë të Festivalin e Filmit në Venecia.

Filmi artistik me Tilda Swinton dhe Julianne Moore mori çmimin prestigjioz “Luani i Artë” të shtunën.

Më herët gjatë javës, filmi i drejtuar nga Pedro Almodovar mori një ovacion 18-minutësh pasi u shfaq premierë në festival, një nga më të gjatat në vitet e fundit.

Duke pranuar çmimin, regjisori 74-vjeçar spanjoll tha: “Unë besoj se t’i thuash lamtumirë kësaj bote pastër dhe me dinjitet është një e drejtë themelore e çdo qenieje njerëzore”.

Filmi flet për Swinton, që luan një korrespondente lufte që vuan nga kanceri terminal. Ajo i kërkon shoqes së saj të vjetër, të luajtur nga Moore, të jetë në krah të saj ndërsa vetëvritet.

Almodovar tha se ai e bëri filmin për të komunikuar besimin e tij se eutanazia duhet të jetë e disponueshme në mbarë botën.

“Nuk është një çështje politike, por një çështje njerëzore”, tha fituesi i çmimit Oscar Almodovar.

“The Room Next Door”, është filmi i tij i parë artistik në anglisht. Almodovar gjithashtu falënderoi Moore dhe Swinton për performancat e tyre.

“Ky çmim u takon vërtet atyre, është një film për dy femra dhe dy femrat janë Julianne dhe Tilda”.

Presidentja e jurisë, aktorja franceze Isabelle Huppert, tha se filmi trajtoi çështje të rëndësishme me mendime dhe pa melodramë.

“The Room Next Door” është gati të jetë një nga filmat më të përfolur të sezonit të çmimeve.

Ndër fituesit e tjerë të çmimeve ishte Nicole Kidman, e cila fitoi çmimin për aktoren më të mirë për rolin e saj në Babygirl, në të cilin ajo luan një CEO me fuqi të lartë duke vënë karrierën dhe familjen e saj në linjë për të filluar një lidhje me praktikantin e saj shumë më të ri.

Edhe pse Kidman ishte në Venecia për premierën e filmit javën e kaluar, aktorja australiane nuk mori pjesë në ceremoninë e ndarjes së çmimeve pasi mësoi se nëna e saj kishte vdekur.

Vincent Lindon i Francës mori çmimin për aktorin më të mirë për filmin në gjuhën franceze The Quiet Son, për një familje të copëtuar nga radikalizmi i djathtë ekstrem.

Çmimi për regjisorin më të mirë shkoi për amerikanin Brady Corbet për “Brutalist”, duke rrëfyer përrallën për një arkitekt hungarez dhe të mbijetuar të Holokaustit të luajtur nga Adrien Brody, i cili kërkon të rindërtojë jetën e tij në SHBA.

Queer me Daniel Craig që luan një narkoman homoseksual dhe filmi biografik i Maria Callas, Maria, ku interpreton Angelina Jolie si sopranoja e njohur greke, nuk mori asnjë çmim.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co