Debati i krahut të djathtë në sulmin e Realit nuk ekziston më. Ksabi Alonso e ka bërë misionin e tij ta fshijë atë me një të rënë të lapsit. Kishte një kohë kur ajo zonë ishte e rezervuar ekskluzivisht për Rodrgo Goesh. Por me trajnerin bask, gjërat kanë ndryshuar.

Braziliani nuk e ka më këtë të drejtë dhe aty ku dikur kishte një sulmues krahu, tani mbetet gjurma e një pozicioni që nuk ekziston më. Nuk është se Rodrigo nuk është më i dobishëm. As nuk ka rënë në sy të keq, pasi ka qenë titullar edhe për Ksabin. Sistemi thjesht nuk ka më nevojë për të. Braziliani ka luajtur vetëm 23 minuta në tre ndeshjet e fundit. Ai që dikur ishte një ingranazh thelbësor nën drejtimin e Ancelotit, tani është një element i lirshëm në një sistem që shkëputet nga veçantia taktike e Realit të Madridit. Ndryshimi është për shkak të një çështjeje arkitekturore. Struktura ka ndryshuar, dhe bashkë me të, edhe rolet. Anësori i djathtë nuk është më në garë sepse, thjesht, ai ka pushuar së ekzistuari si i tillë.

NJË PRONAR I RI – Largimi i anësorit nuk e ka zbrazur krahun e djathtë. E ka transformuar atë. Aty ku dikur luante një sulmues, tani mbizotëron një mbrojtës krahu. Dhe jo çdo mbrojtës krahu. Trent Aleksandër-Arnold ka ardhur për ta shndërruar atë pjesë të fushës në një portë saktësia dhe rigoroziteti. Asisti i tij për Gonzalon në ndeshjen kundër Juventusit është një provë e mirë e kësaj. Ai nuk është një sulmues krahu, por as një mbrojtës i krahut klasik. Ai është më shumë një organizator sulmi. Një organizator nga jashtë që po fiton gradualisht terren dhe po përshtatet me planet e Ksabit. Trent nuk përballet me kundërshtarin, nuk bën sikur, nuk kërkon përballje një kundër një. Loja e tij sulmuese përqendrohet në gjetjen e partnerëve.

Dhe këtu hyn në lojë Fede Valverde. Uruguaiani gjithmonë i ofron thellësi mbrojtësit të djathtë falë aftësisë së tij për të zënë hapësirë dhe për të zgjeruar fushën. Pikat e tij të forta nuk shfrytëzohen vetëm në sulm, por edhe në mbrojtje. Prania e Valverdes atje stabilizon sistemin. Ai arrin aty ku anglezi nuk mundet dhe korrigjon kur është e nevojshme.

Në fillim të “epokës së Alonsos”, uruguaiani ishte gjithashtu një nga ata që u thirrën për të zënë pozicionin e sulmuesit të krahut. Në ndeshjen e dytë, kundër Paçukës, ai filloi të luante në atë pozicion. Megjithatë, përjashtimi i Asensios nga fusha ia ndryshoi mendjen trajnerit dhe ai e riktheu atë në mesfushë.

Ndikimi i tij atje ka qenë vendimtar , duke shënuar dy gola deri më tani në Kupën e Botës . Kjo situatë i ka dhënë fryte Ksabit, i cili ka siguruar një vend në çerekfinale. Tani ai duhet të jetë i qëndrueshëm me kalimin e kohës për të bindur “Bernabeun” se mund të jetojë pa një nga sulmuesit e tij të krahut . Një pozicion që ka qenë pjesë e identitetit sulmues të Madridit për dekadën e fundit.

PANORAMASPORT.AL

The post Zhdukja e një roli! Debati i krahut të djathtë në sulmin e Realit nuk ekziston më appeared first on Gazeta Shqiptare Online.