Marrëdhënia mes Simone Inzaghit dhe Interit, të paktën në letër, është e destinuar të vazhdojë deri më 30 qershor 2026. Trajneri nga Piaçença, megjithatë, mund ta gjejë veten pothuajse të detyruar të ‘tradhtojë’ zikaltërit duke shfrytëzuar një mundësi unike.
Një e ardhme në Premier League do t’i pëlqejë çdo trajneri. Simone Inzaghi nuk bën përjashtim dhe, nëse sezoni përfundon në një mënyrë pozitive për djemtë e tij, ai gjithashtu mund të mendojë të thotë lamtumirë. Nga ana tjetër, trena të caktuar kalojnë vetëm një herë në karrierën e tyre.
Dhe Mançester Junajtid është një tren shumë i vështirë për t’u refuzuar. “Djajtë e Kuq” nuk besojnë shumë te Erik ten Hag, aq më tepër pas paraqitjes shumë zhgënjyese të ofruar nga trajneri holandez sezonin e kaluar.
Në këtë pikë lamtumira e tij në Old Trafford duket pothuajse e qartë: do të ketë një revolucion tjetër në Mançester. Dhe trajneri i Interit mund të jetë në qendër të gjithçkaje.
Drejtuesit e lartë të Mançesterit e pëlqejnë shumë Inzaghin dhe ai mund të zërë vendin e Ten Hag. Vullneti i Inzaghit dhe pozicioni i fortë i Interit që e kanë vënë nën kontratë edhe për dy vite të tjera do të jenë vendimtare. Opsioni Premier, megjithatë, është mjaft tërheqës. Junajtid mbetet në dritare për Simone Inzaghin.
PANORAMASPORT.AL
