Barcelona bëhet për herë të 15-të në histori fituese e Superkupës së Spanjës, teksa mposhti mbrëmjen e sotme në stadiumin “King Abdullah Sports City”, Realin e Madridit me rezultatin 5 me 2, në një duel që i pati të gjitha.  

Madrilenët kaluan të parët në avantazh me anë të Mbape në minutën e 5-të, ndërkohë që skuadra e Flik, duket se u tjetërsua pas këtij momenti, teksa në pjesën e parë, arriti të shënonte 4 gola, duke përmbysur rezultatin në 1 me 4. 

Jamal fillimisht në të 22-tën vendosi baraspeshën. Më pas ishte radha e Levandovskit për të shënuar nga pika e bardhe e penalltisë në minutën e 36-të, e për të vazhduar më pas me Rafinjën dhe Balde në minutat 39 dhe 45+10. 

Edhe pjesa e dytë nisi në mënyrën më të mirë të mundshme për Barcelonën që shënoi sërish me Rafinjën në të 48-tën për 1 me 5. 

Finalja u bë akoma më emocionuese në minutën e 56-të, kur Shezni u ndëshkua me karton të kuq, për një ndërhyrje jashtë zonës ndaj Mbape, ndërkohë që Rodrigo shënoi nga goditja e dënimit për 2 ne 5, por vetëm kaq, pasi në fund, festa ishte e gjitha për katalanasit, që ngritën lartë trofeun.  

 

FT

REAL MADRID 2-5 BARCELONA

5′ Mbape, 60′ Rodrigo / 22′ Jamal, 36′ Levandovski, 39′, 48′ Rafinja, 45+10′ Balde

NGJARJET KRYESORE

Mbyllet finalja! 

90+6′ Pritje spektakolare e Penas që i mohon një gol thuajse të sigurt Kilian Mbapesë.

90′ Akordohen 8 minuta shtesë.

85′ Përpjekje të shumta të madrilenëve për të shkuar te goli, por mbrohet mirë skuadra e Hansi Flik në këto minuta.

79′ Zëvendësim edhe në radhët e Barcelonës, Ferran Torres merr vendin e Rafinjës.

75′ Reali kryen dy zëvendësimet e radhës, largohen Mendi dhe Vinicius, në lojë Garsia dhe Diaz.

64′ Ançeloti hedh në fushë edhe Modriçin, i cili merr vendin e Tçauamenit.

60′ GOOOOL REALI 2-5/ Nuk ka fund spektakli, madrilenët arrijnë të ngushtojnë shifrat me Rodrigo, që shënon nga goditja e dënimit. (VIDEO) 

59′ Flik kryen dy zëvendësime, largohen Jamal dhe Gavi në fushe Olmo dhe portieri Pena.

57′ Finale e çmendur, Shezni ndëshkohet me karton të kuq, për ndërhyrje të gabuar jashtë zonës ndaj Mbape. (VIDEO) 

52′ Tjetër zëvendësim te Reali, largohet Lukas Vaskez, në vendin e tij Asensio.

48′ GOOOOOL BARCELONA 1-5/ Rafinja i papërmbajtshëm, braziliani shënon edhe golin e pestë, duke tronditur madrilenët. (VIDEO) 

46′ Starton pjesa e dytë, Ançeloti largon nga fusha Kamavingën, vendin e tij e merr Sebajos.

45+10′ Mbyllet pjesa e parë me rezultatin 1-4 për Barcelonën.

45+10′ GOOOL! Real Madrid 1-4 Barcelona/ Katalanasit nuk “ngopen” pasi shënojnë dhe golin e katërt me Balde. Skuadra e Ançelotit pa busull në fushë. (VIDEO)

45+7′ Kurtua i mohon golin Baldes. (VIDEO)

45′ Akordohen 9 minuta shtesë.

39’ GOOOL! Real Madrid 1-3 Barcelona/ Rafinja shënon golin e tretë për katalanasit. (VIDEO)

33’-36’ GOOOL!  Real Madrid 1-2 Barcelona/ Pretendime për penallti te Barcelona. Gil Manzano e konsideron të rregullt fillimisht ndërhyrjen e Kamavingës ndaj Gavit. Pas rishikimit me VAR akordon penallti dhe karton të verdhë për Kamavingën. Levandovski nuk gabon nga pika e bardhë. (VIDEO) + (VIDEO)

29′ Zëvendësim i detyruar, Arauho merr vendin e Martinez te Barcelona.

24′ Çuameni i afrohet golit. Goditja e tij me kokë pas krosimit nga këndorja, devijohet nga Shezni për të dytën goditje këndi radhazi. (VIDEO)

22′ GOOOL! Real Madrid 1-1 Barcelona/ Askush nuk mund ta ndalë, Jamal vendos baraspeshën. (VIDEO)

16′ Mbape merr ndihmën e stafit mjekësor te Reali.

9′ Rast i rrezikshëm në zonë nga Barcelona. Topi i goditur nga Rafinja përfundon jashtë. (VIDEO)

5′ GOOOL! Real Madrid 1-0 Barcelona/ Mbape shënon golin e parë të finales, pasi një kundërsulmi. (VIDEO)

4′ Barcelona i shkon pranë golit me Rafinjën. Kurtua devijon sërish në këndore. (VIDEO)

2′ Kurtua i mohon golin Jamal. Talenti i Barcelonës provon nga jashtë zone, por topi devijohet në këndore nga portieri belg. (VIDEO)

1′ Nis finalja e Superkupës së Spanjës.

FORMACIONET ZYRTARE

REAL MADRID: Kurtua, Mendi, Rydiger, Çuameni, Vaskez, Kamavinga, Bellingam, Valverde, Vinicius, Mbape, Rodrigo.

Trajner: Karlo Ançeloti

BARCELONA: Shezni, Kunde, Kubarsi, Injigo Martinez, Balde, Kasado, Gavi, Lamin Jamal, Pedri, Rafinja, Levandovski

Trajner: Hansi Flik

PANORAMASPORT.AL

The post VIDEO/ Finale spektakolare! Barcelona i jep një “shuplakë” të rëndë Realit dhe ngre Superkupën e 15-të në histori appeared first on Gazeta Shqiptare Online.