Surprizë për të ardhmen e Niko Paz. Mesfushori me tipari sulmuese dhe organizatori i Komos, sipas “Sky Sport”, dukej i destinuar të kthehej te Real Madrid, por afati i parë i ripagimit skadon sot dhe madrilenët nuk duken të interesuar ta shfrytëzojnë këtë mundësi.

Lojtari do të qëndrojë te Komo për një tjetër sezon, përveç nëse ndonjë klub tjetër arrin të bindë Çesk Fabregas dhe drejtuesit e klubit që ta braktisin atë.

Nuk është mister që Interi dëshiron t’ia japë atë Kristian Kivusë, por është gjithashtu e komplikuar të mendosh se kjo do të ndodhë, të paktën për momentin. Zgjedhja e “Los Blancos” është në drejtim të lejimit të lojtarit të piqet edhe një sezon tjetër dhe ndoshta të përqendrohet tek ai më vonë. Spanjollët në fakt kanë mundësinë ta riblejnë edhe në dy vitet e ardhshme, por me çmim më të lartë se ato aktuale.

Në karrierën e tij, Niko Paz krenohet me 54 paraqitje dhe 12 gola me Real Madrid Castiglia, 35 paraqitje dhe 6 gola me Komon dhe 8 paraqitje dhe një gol me Real Madridin. Ai ka luajtur tashmë 3 ndeshje me Argjentinën, ndërsa 4 janë me ekipin nën 23 vjeç dhe 8 me ekipin nën 20 vjeç, me të cilin ai gjithashtu shënoi një gol.

PANORAMASPORT.AL

The post Vendim surprizues/ Pritej të kthehej te Reali, mesfushori që shkëlqeu këtë sezon me klubin e Serisë A do të mbetet në Itali appeared first on Gazeta Shqiptare Online.