Të dielën, legjenda e Liverpool, Jamie Carragher sugjeroi se Mohamed Salah është në disavantazh për Topin e Artë sepse ai nuk mund të fitojë një turne të madh ndërkombëtar si Europiani, Copa America apo Botërori. Në këtë mënyrë, Carragher zhvlerësoi kampionatin e kombëtareve afrikane, të cilin nuk e quan serioz dhe me peshë.

Carragher u përball me shumë kritika pas kësaj, me Daniel Sturridge, Rio Ferdinand, Micah Richards dhe të tjerë që nuk pajtoheshin me të. Tani John Obi Mikel, ish-mesfushori i Chelseat, gjithashtu ka qenë i ashpër ndaj Carragher. “Ajo që ai tha ishte kaq mungesë respekti, që vinte nga dikush që nuk ka fituar kurrë një kompeticion të madh ndërkombëtar me Anglinë. Deklarata e tij ishte absolutisht e gabuar. Shpresoj që ai të dalë dhe të kërkojë një falje masive sepse u detyrohet njerëzve në mbarë botën një falje. Ai nuk mund të mos respektojë një turne kaq të madh.

Djali thotë kaq shumë gjëra në TV, ai kurrë nuk e ka fituar Premier Ligën, ai analizon skuadrat dhe u thotë atyre se duhet të fitojnë Premier League. Ju kurrë nuk e keni fituar atë, ju nuk e dini se çfarë duhet për të fituar Premier League, ju nuk e dini se çfarë duhet për të fituar me ekipin tuaj kombëtar. Njerëzit në Afrikë vdesin për Kupën e Kombeve të Afrikës, dhe ai diskriminon në këtë mënyrë”, tha Obi Mikel. /Sport Ekspres/

Burimi informacionit @Gazeta Sport Ekspres: Lexo me shume ne : Gazeta Sport News gazeta sport news