Zbardhen të tjera detaje nga ngjarja e rëndë që ndodhi në Korçë, ku nënë dhe bijë u gjetën të pajeta dje në banesën e tyre.

Gazetarja Lorena Kodra raporton për BalkanWeb se Eleni dhe Ornela Vangjeli prej disa ditësh nuk i përgjigjeshin telefonatave të të afërmeve të tyre. Mësohet se ishte djali i të moshuarës së paralizuar ai që bëri denoncimin në polici. Ai tha për gazetaren Kodra se kishte që prej mëngjesit të së dielës që nuk fliste me motrën dhe nënën e tij.

“Kontakti i fundit që pata me motrën dhe nënën ishte të dielën. Komunikova pasi i solli ambulanca në shtëpi”, mësohet të jetë shprehur ai. Raportohet se nëna kishte pasur probleme me oksigjenin dhe kjo e kishte detyruar të bijën që ta çonte në spital. Ndërkohë, mjekët i kishin kërkuar që nëna të shtrohej, por e bija nuk kishte pranuar. Në rrethana ende të paqarta, të dyja, nënë e bijë janë gjetur të pajeta, ndërsa dyshohet se vdiqën për shkaqe natyrale.
(BalkanWeb)

Burimi informacionit @BalkanWeb: Lexo me shume ne : Bota Sot News botasot.co