Shefi i politikës së jashtme të Bashkimit Europian, Josep Borrell ka reaguar në lidhje me sulmet e fundit izraelite në Gaza, duke e cilësuar masakër tjetër të tmerrshme ndaj civilëve.  

“Raportet nga Gaza për një tjetër masakër të civilëve janë të tmerrshme. Ne e dënojmë këtë me termat më të ashpër. Gjakderdhja duhet të përfundojë menjëherë”, shkruan Borrell në X, ndërsa sugjeroi gjithashtu se rruga drejt paqes ishte në një plan me tre faza të paraqitur nga Presidenti i SHBA Joe Biden.

Një ministër izraelit ka reaguar ndaj  Borrell për dënimin e operacionit. Eli Cohen i tha përfaqësuesit të lartë të BE-së për politikën e jashtme se ai duhet të dënojë Hamasin.

“Turp të kesh!

Në vend që të dënoni Hamasin për fshehjen e pengjeve pas një popullsie civile, ju dënoni Izraelin për shpëtimin e qytetarëve të tij.

Ne do të vazhdojmë të punojmë për të rikthyer të gjithë pengjet!”, shkruan ministri izraelit.

Shame on you!
Instead of condemning Hamas for hiding the hostages behind a civilian population, you condemn Israel for saving its citizens.

We will continue to work towards bringing back all the hostages! https://t.co/6fApUHDND7

— אלי כהן | Eli Cohen (@elicoh1) June 8, 2024

Ja cilat janë fazat e planit të paqes të propozuara nga Biden:

Faza e parë do të konsistonte në një armëpushim gjashtë-javor, një tërheqje të forcave izraelite nga të gjitha zonat e populluara të Gazës dhe lirimin e një numri pengjesh në këmbim të lirimit të qindra të burgosurve palestinezë.

Faza e dytë do të shihte lirimin e të gjithë pengjeve të mbetura të gjallë dhe një tërheqje nga Gaza nga forcat izraelite.

Faza e tretë kërkon fillimin e një rindërtimi të madh të enklavës së shkatërruar.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co