Teo Hernandez është kthyer në 24 orët e fundit në personazhin negativ të Milanit, pasi shumëkush ia faturon atij eliminimin nga Liga e Kampioneve për shkak të kartonit të kuq që mori ndaj Fejenordit. Mbrojtësi është sulmuar nga opinionistët dhe tifozët për veprimet e tij në fushë që dëmtuan kuqezinjtë dhe ai ka zgjedhur që të qëndrojë në heshtje deri sot pasdite.

Mbrojtësi ka thyer heshtjen me një postim në rrjetet sociale, ku ka kërkuar falje publikisht që kishte lënë ekipin e tij me një lojtar më pak.

“Futbolli është i paparashikueshëm, na dhuron gëzime të mëdha, por edhe momente të dhimbshme. Sot ndjej një frustrim të pamasë. U kërkoj falje shokëve të mi të skuadrës që i lashë me 10 lojtarë dhe u kërkoj falje tifozëve që na mbështetin gjithmonë. Por ky klub është një familje dhe së bashku do ta rimarrim veten. Të ngrihem të gjithë bashkë. Unë i pari. Forca Milan”, shkruante Hernandez në mesazhin e tij.

PANORAMASPORT.AL