Hipertensioni (presioni i lartë i gjakut) njihet si një faktor rreziku kryesor për goditje në tru, por hulumtimi i ri nga Shkolla Mjekësore e Universitetit të Miçiganit zbulon se sa i rrezikshëm mund të bëhet presioni i lartë i gjakut me kalimin e kohës.
Rezultatet e këtij studimi të ri hedhin dritë mbi efektet kumulative të presionit të lartë të gjakut sistolik gjatë gjithë moshës madhore dhe tregojnë një lidhje të qartë me një rrezik në rritje të llojit më të zakonshëm dhe të rrezikshëm të goditjes.
Ekipi hulumtues analizoi të dhënat nga më shumë se 40,000 të rritur të moshës 18 vjeç e lart pa histori të goditjes në tru. Ekipi hulumtues u fokusua në presionin sistolik të gjakut. Presioni sistolik i gjakut është një matje e presionit të ushtruar nga gjaku në muret e arterieve ndërsa zemra rreh.
Studimi, i publikuar në JAMA Network Open, zbuloi se për çdo rritje prej 10 mmHg të presionit mesatar afatgjatë të gjakut sistolik, rreziku i përgjithshëm i goditjes në tru rritej me 20 për qind. Ky rrezik i rritur duket të jetë veçanërisht i vërtetë për goditjet ishemike (të shkaktuara nga një mpiksje gjaku që bllokon rrjedhjen e gjakut në tru dhe përbën rreth 85% të të gjitha goditjeve në tru). Studiuesit ishin më të shqetësuar se rreziku i hemorragjisë intracerebrale (gjakderdhje në indin e trurit) rritej me 31% për çdo rritje prej 10 mmHg.
Burimi informacionit @Panorama.al: Lexo me shume ne :bota sot www.botasot.co
