Tifozët e Partizanit do të duhej të ishin duke u përgatitur për transfertën gjeorgjiane, por me siguri sot do të jenë nëpër shtëpitë e tyre duke pushuar, pas një transferte malteze, që zgjati jo pak, por katër ditë.

Duket e pabesueshme, por fluturimi i avionit të tifozëve të kuq nga Malta drejt Shqipërisë është shtyrë me tri ditë. Ata duhej të ishin nisur direkt pas ndeshjes së të enjtes së kaluar, por vetëm mbrëmjen e djeshme kjo është realizuar për shkak të probleme me fluturimet në aeroportin maltez.

Qindra tifozë janë detyruar të zgjasin qëndrimin e tyre në ishull në një udhëtim, që pritej të ishte ndër transfertat më të lehta. Duhet thënë se në Maltë ndodheshin afro 300 tifozë të Partizanit.

Burimi informacionit @BalkanWeb: Lexo me shume ne : Bota Sot News botasot.co