Dortmund sfidon PSV në Holandë, në kuadër të Champions. Trajneri i verdhezinjve, Edin Terzic është shfaqur optimist në konferencën për shtyp, para takimit.

“Ne jemi një nga ekipet më të mira në Gjermani kur kemi në zotërim topin, e menaxhojmë në mënyrë të shkëlqyer. Në të njëjtën kohë edhe me kundërsulmin më efikas në finalizim. Kemi nevojë për kontributin e të gjithë ekipit në marrjen e rezultatit pozitiv që në duelin e parë, çka do e bënte më të thjeshtë takimin e kthimit në shtëpi.

Problemi i PSV-së përkon me prapavijën. Ata pësojnë shumë gola dhe ky detaj mund të shfrytëzohet në maksimum nga kampi ynë, por presioni i lartë i holandezëve do të jetë sfidë më vete. Luuk de Jong do të përbëjë kërcënimin ‘numër një’ në portën tonë. Pres që Malen të jetë në fushë, pavarësisht problemeve të vogla fizike” – tha Terzic.

(J.S/BalkanWeb)

Burimi informacionit @BalkanWeb: Lexo me shume ne : Bota Sot News botasot.co