Franca nuk shkoi më shumë se barazimi 0-0, në përballjen ndaj Holandës, e vlefshme për raundin e dytë të Grupit D.

Pas ndeshjes për median franceze “TF1” komentoi barazimin me Holandën, mbrojtësi i Bajernit, Upamecano, i cili theksoi: “E dinim se ndeshja do të ishte shumë e luftuar, dhe në fakt e tillë ishte. Patëm rastet tona, por edhe holandezët ishin të rrezikshëm në disa raste. Jemi penalizuar nga gabimet tona në disa raste, megjithatë nuk është një paraqitje për t’u hedhur tutje, pavarësisht se e dimë që mund të bëjmë më mirë”. Pas katër ditësh, “Gjelat” do të luajnë kundër Polonisë, ndeshjen e fundit për grupin dhe me një fitore mund të sigurojnë vendin e parë në grup.

Kjo është një arsye më shumë që pika e djeshme vlerësohet nga Upamecano, i cili në deklaratën e tij shtoi: “Mund të them se deri diku jam i kënaqur me këtë pikë që morëm, pasi na mban në garë për kreun e grupit dhe kualifikimin, që është gjëja më e rëndësishme”.

Burimi informacionit @BalkanWeb: Lexo me shume ne : Bota Sot News botasot.co