Një person është vrarë dhe pesë të tjerë raportohet se janë plagosur në veri-lindje të Francës pasi persona të armatosur e të maskuar, hapën zjarr në një ceremoni martese.

Mediat e huaja raportojnë se sulmi në Thionville mund të lidhet me një larje hesapesh mes trafikantëve të drogës.

Të shtënat ndodhën herët të dielën në një sallë pritjeje ku ishin të pranishëm rreth 100 persona. Dy persona kanë mbetur të plagosur rëndë dhe njëri prej tyre ndodhet në gjendje kritike për jetën. Autorët e të shtënave janë larguar nga vendi i ngjarjes.

“Ishte gjatë një dasme,” tha një burim policor. “Në një çerek të mëngjesit, një grup njerëzish dolën jashtë për të pirë duhan para sallës dhe më pas mbërritën tre burra të armatosur rëndë dhe hapën zjarr në drejtim të tyre.”

Sulmuesit mbërritën me një automjet 4X4, “ndoshta një BMË”, tha burimi. Nuk dihej menjëherë se nga vinte automjeti, shkruan The Guardian. Thionville ndodhet afër kufijve të Luksemburgut dhe Gjermanisë.

Një derë xhami e shpuar me vrima plumbash mund të shihej në vendngjarje mëngjesin e së dielës. Ndërkohë, në qytetin fqinj të Villerupt, të shtënat mes bandave rivale në një pikë shpërndarjeje droge lanë pesë persona të plagosur në maj 2023.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co