Të paktën 22 persona u vranë në një sulm të shtunën që goditi një xhami të improvizuar në një kamp në qytetin perëndimor të Gazës.

Shefi i dhomës së urgjencës së spitalit Al-Ahli, Dr. Amjad Elewa, tha për CNN se 20 burra u vranë në sulmin në xhaminë fushore në kampin Al Shati, dhe dy burra të tjerë vdiqën të dielën në spital nga plagët e tyre.

Zëdhënësi i Mbrojtjes Civile të Gazës, Mahmoud Basal tha për CNN se bombardimi ndodhi “në mes të namazit të drekës”. Ai shtoi se të gjitha lëndimet janë raste të rënda dhe kërkohen operacione.

Zyra e OKB-së për të Drejtat e Njeriut komentoi gjithashtu incidentin në konferencën e saj ditore të shtunën, duke thënë: “Rreth orës 13:00, IDF goditi një xhami të improvizuar brenda kampit të refugjatëve Ash Al Shati’, në perëndim të qytetit të Gazës.

Raportet tregojnë se për shkak se IDF-ja goditi menjëherë pas namazit të drekës, shumë njerëz ishin ende brenda ose afër xhamisë.

Burimi informacionit @BalkanWeb: Lexo me shume ne : Bota Sot News botasot.co