Ish-presidenti Donald Trump, ka njoftuar se nuk do të marrë pjesë në një debat të dytë me Kamala Harris.

Trump ka argumentuat tërheqjen e tij duke thënë se ajo ka refuzuar mundësitë e mëparshme për t’u takuar dhe duke pretenduar se Harris humbi përballjen e tyre të martën mbrëma, edhe pse sondazhet anë treguar të kundërtën.

“Kur një fitues i çmimeve humbet një luftë, fjalët e para që dalin nga goja e tij janë: Dua një ripërballje. Sondazhet tregojnë qartë se unë fitova debatin kundër Kamala Harris, Kandidatja e Majtë Radikale e Demokratëve, dhe ajo menjëherë bëri thirrje për një debat të tytë,” shkroi ish-presidenti në Truth Social.

Trump ritheksoi pretendimin e tij shumë të përsëritur se Harris dhe Joe Biden kanë shkatërruar vendin, ndërsa shtoi:

Të gjithë e dinë këtë, dhe të gjitha problemet e tjera të shkaktuara nga Kamala dhe Joe. U diskutua në detaje gjatë debatit të parë me Joe dhe debatit të dytë me Harris. Ajo nuk u shfaq në debatin e Fox dhe refuzoi të bënte NBC & CBS. Kamala duhet të përqendrohet në çfarë duhet të bërë gjatë periudhës së fundit gati katër javore. Nuk do të ketë debat të tretë!

Fushata e Harris ka thënë më parë se ajo do të ishte e gatshme të debatonte përsëri me Trump diku në tetor.

Ndërkohë, bashkë kandidati i Trump, JD Vance, do të debatojë me Tim Ëalz , kandidatin demokrat për zëvendëspresident, më 1 tetor në Nju Jork.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co