Në derbin lokal të kryeqytetit, Prishtina ka arritur që në pjesë të dytë të këndellet dhe të shënojë fitore ndaj Borës për të siguruar një fitore që i nxjerrë ata nga zona playout e Superligës.

Çereku i dytë ka qenë plotësisht i Borës (24-9), mirëpo Prishtina në vazhdim ka arritur që të rikthejë avantazhin (18-28) dhe (14-19) për të fituar ndeshjen falë dallimit që e kishin bërë në çerek të parë (16-21) për përfundimtaren, 72-77!

Deondre Burns që në xhiron e kaluar u kthye nga lëndimi ka shkëlqyer për Prishtinën në këtë lojë, duke shënuar 27 pikë, 6 asistime dhe 4 kërcime, ndërkaq me 17 pikë u dallua Altin Morina. Adrio Bailey luajti me 14 pikë e 6 kërcime në këtë fitore të rëndësishme për rekord-kampionen e Kosovës.

Shiko: TABELA AKTUALE E SUPERLIGES

Bora që dominoi në çerek të dytë ra nga loja në pjesë të dytë të ndeshjes për tu mposhtur, ndërsa nga lojtarët e saj më të dalluar sonte kanë qenë Shaquan Jules me 14 pikë dhe Alex Hunter me 13 pikë të shënuara.

Fitorja, bën që Prishtina të bëhet me bilanc 9-14 dhe të dalë nga zona playout, ku tash bie Vëllaznimi, ndërkaq Bora në pozitë të tretë akoma është në bilanc pozitiv, tani me 12-11.

The post Prishtina mposhti Borën dhe doli nga zona playout! appeared first on TopSporti.