“Çdo bisedim paqeje me Ukrainën është i pamundur përderisa ajo kryen sulme ndaj popullatës civile dhe kërcënon termocentralet bërthamore”, ka deklaruar presidenti rus Vladimir Putin.

Duke folur në një takim me zyrtarë të lartë të hënën, Putin foli për inkursionin e fundit të Ukrainës në rajonin kufitar të Kursk, si dhe një sulm me dron që dëmtoi termocentralin bërthamor të Zaporozhye të Rusisë.

Ai sugjeroi që veprimet më të fundit të Ukrainës tregojnë se pse ajo ka refuzuar të rishikojë planet për zgjidhjen e konfliktit bazuar ose në një propozim rus, ose në udhërrëfyes të paraqitur nga palët neutrale.

“Me sa duket, armiku, duke u mbështetur në ndihmën e miqve të tij perëndimorë… po përpiqet të përmirësojë pozicionet e tij negociuese në të ardhmen. Por si mund të flasim për negociata me ata që kryejnë sulme pa dallim ndaj civilëve, infrastrukturës civile ose përpiqen të kërcënojnë objektet e energjisë bërthamore?” u shpreh Putin.

Putin vazhdoi duke thënë se një nga qëllimet kryesore të Kievit në Kursk është të largojë vëmendjen nga Donbass, ku forcat ruse kanë fituar terren në mënyrë të vazhdueshme muajt e fundit.

Qëllimi kryesor i Moskës në këtë fazë është të largojë forcat ukrainase nga territori rus. “Armiku do të marrë një përgjigje të denjë. Të gjitha synimet tona padyshim që do të arrihen.”

Ukraina nisi një sulm në rajonin e Kurskut javën e kaluar, sulmi më i madh ndërkufitar që nga shpërthimi i konfliktit, me raportet e mediave që sugjerojnë se ofensiva përfshinte disa nga brigadat më të pajisura të Kievit. Ndërsa forcat ukrainase arritën disa përfitime, Ministria ruse e Mbrojtjes tha se përparimi ishte ndalur.

Të dielën, Moska akuzoi Kievin për një sulm me dron në termocentralin bërthamor rus të Zaporozhye, i cili dëmtoi një nga kullat e tij ftohëse.

Burimi informacionit @BalkanWeb: Lexo me shume ne : Bota Sot News botasot.co