Legjionarët kuqezi vazhdojnë të spikasin me klubet e tyre jashtë vendit. Në fundjavën që lamë pas, Rey Manaj u rikthye te goli në Turqi me skuadrën e Sivassporit.
Sulmuesi i Kombëtares realizoi nga pika e penalltisë në minutën e 26-të në ndeshjen Gaziantep – Sivasspor. Ky ishte goli i tij i shtatë në kampionat gjatë këtij sezoni.
Arbër Hoxha vijon me formën e mirë, teksa këtë herë dha një asist në fitoren 3-1 të Dinamo Zagrebit ndaj Goricës.
Sulmuesi i Kombëtares u aktivizua në pjesën e dytë dhe asistoi në fundin e takimit për golin e tretë të shënuar nga Kulenovic.
Nga lojtarët e Kombëtares, titullarë me skuadrat e tyre u aktivizuan Thomas Strakosha, Arlind Ajeti, Marash Kumbulla, Amir Abrashi, Qazim Laçi, Feta Fetai, Adrion Pajaziti, Anis Mehmeti dhe Taulant Seferi. Dhanë kontributin e tyre si zëvendësues Ylber Ramadani, Jasir Asani, Keidi Bare, Ernest Muçi dhe Arbnor Muja.
Burimi informacionit @Gazeta Sport Ekspres: Lexo me shume ne : Gazeta Sport News gazeta sport news
