Markus Turam mendon se qëndrimi më shumë në zonën kundërshtare ka bërë që këtë sezon të ketë numrin e golave të shënuar të vitit të kaluar. Francezi ka dhënë një intervistë ndryshe për “Chronache di Spogliatoio”.

Cili është lojtari me të cilin keni luajtur më shumë ndeshje në karrierë?

Jan Zomer.

Sa gola keni shënuar në Serinë A?

Kam shënuar 13 në këtë sezon dhe 13 në sezonin e kaluar.

Çfarë ka ndryshuar?

Nuk e di. Këtë sezon jam duke luajtur më shumë brenda zonës së rreptësisë.

Çfarë numri mbanit veshur në Ligue 2?

Mbaja veshur numrin 33.

Cili është golashënuesi i parë francez në historinë e Interit?

Juri Xhorkaef.

Kundër cilës skuadër ke shënuar më shumë gola në Itali?

Torinos.

Në Botërorin e fundit keni dhënë 2 asiste. Për cilin lojtar?

Për Mbapenë.

Është lojtari juaj i preferuar në fushë?

Jo. Thjesht atij i pason topin dhe mendon ai t’i zgjidhë problemet. Bëjmë shpesh batuta dhe e tallim Kilianin unë me Dembelenë. Ne ishim 14 vjeç dhe ai 13. Ka mbetur kjo histori dhe vazhdojmë ende ta vëmë në lojë.

Po ai tallet me ty?

Jo. Ai nuk mundet. Unë jam më i madh sesa ai dhe ka mbetur kjo çështja e moshës sa për humor.

Çfarë ndodh kur i sheh ndeshjet me babanë?

I shoh të gjitha ndeshjet përsëritje me të. Kështu mësoj edhe nga gabimet e mia për t’i korrigjuar në ndeshjen tjetër. Ndonjëherë ai është më i rreptë me mua, sepse më qorton për çdo ndeshje. Është shumë i drejtë.

PANORAMASPORT.AL