Një palestinez 13-vjeçar i akuzuar për gjuajtje me fishekzjarre drejt forcave të sigurisë izraelite u qëllua dhe u vra nga policia në Jerusalemin Lindor të martën në mbrëmje mes përleshjeve në zonë në natën e dytë të Ramazanit.

Agjencia palestineze e lajmeve Uafa e identifikoi adoleshentin si Rami Hamdan Al-Halhouli, një banor i kampit të refugjatëve Shuafat në Jerusalem dhe tha se ai vdiq nga plagët në një spital, pasi u plagos rëndë nga të shtënat me armë zjarri.

Sipas policisë, një rrëmujë e dhunshme shpërtheu në Shuafat të martën në mbrëmje, me rebelët që hodhën kokteje molotov dhe qëlluan fishekzjarrë drejtpërsëdrejti ndaj forcave të sigurisë. Policia tha se ata vendosën forca shtesë të Policisë Kufitare në zonë pas përleshjeve të ngjashme një natë më parë, mes tensioneve të larta në fillimin e Ramazanit, nën hijen e luftës së vazhdueshme në Gaza.

Policia tha se i dyshuari është kapur, arrestuar dhe dërguar për trajtim mjekësor. Më pas ai u shpall i vdekur. “Kushdo që rrezikon forcat e sigurisë, rrezikon jetën e tij”, tha policia izraelite.

(Balkanweb)

Burimi informacionit @BalkanWeb: Lexo me shume ne : Bota Sot News botasot.co