Predhat e artilerisë të shitura nga prodhuesit indianë të armëve janë devijuar nga klientët evropianë në Ukrainë, dhe Nju Delhi nuk ka ndërhyrë për të ndaluar tregtinë pavarësisht protestave nga Moska, sipas njëmbëdhjetë zyrtarëve të qeverisë indiane dhe evropiane të cilët kanë folur për agjencinë e lajmeve, Reuters.

Transferimi i municioneve për të mbështetur mbrojtjen e Ukrainës kundër Rusisë ka ndodhur për më shumë se një vit, sipas burimeve dhe të dhënave doganore.

Rregulloret indiane të eksportit të armëve kufizojnë përdorimin e armëve tek blerësi i deklaruar, i cili rrezikon që shitjet e ardhshme të ndërpriten nëse ndodhin transferime të paautorizuara.

Kremlini e ka ngritur këtë çështje në të paktën dy raste, përfshirë gjatë një takimi në korrik midis ministrit të Jashtëm rus, Sergei Lavrov dhe homologut të tij indian, thanë tre zyrtarë indianë.

Në janar, zëdhënësi i ministrisë së Jashtme indiane, Randhir Jaiswal, ka thënë në një konferencë shtypi se India nuk kishte dërguar apo shitur predha artilerie në Ukrainë.

Dy burime nga qeveria indiane dhe dy burime të industrisë së mbrojtjes i thanë Reuters se Delhi prodhoi vetëm një sasi shumë të vogël të municionit që përdorej nga Ukraina, teksa një zyrtar vlerësoi se bëhej fjalë për më pak se 1% të totalit të armëve të importuara nga Kievi që nga lufta.

Ndër vendet evropiane që dërgojnë municione indiane në Ukrainë janë Italia dhe Republika Çeke, e cila po udhëheq një iniciativë për të furnizuar Kievin me predha artilerie nga jashtë Bashkimit Evropian, sipas një spanjolli dhe një zyrtari të lartë indian.

Burimi informacionit @BalkanWeb: Lexo me shume ne : Bota Sot News botasot.co