Ministri i Brendshëm, Ervin Hoxha, është takuar me ambasadorin britanik në largim, Alastair King Smith.

Hoxha tha se kanë rënë dakord dakord për rëndësinë e bashkëpunimit në fushën e sigurisë, ndërsa shprehu se King Smith i siguroi që programet e asistencës për Policinë e Shtetit do të vijojnë sipas agjendës.

Postimi i Hoxhës:

Prita për një vizitë kortezie Ambasadorin e Mbretërisë së Bashkuar, Alastair King Smith, i cili është në përfundim të mandatit të tij në Tiranë. Në bisedën e zhvilluar ramë dakord për rëndësinë e bashkëpunimit në fushën e sigurisë.

Ambasadori më siguroi që programet e asistencës për Policinë e Shtetit do të vijojnë sipas agjendës.

Së fundmi, qeveria britanike ka ndarë një fond ‘grant’ prej 1 milion stërlina për ndërtimin e godinës së Drejtorisë Rajonale të Policisë Kufitare dhe Migracionit në Laprakë.

Së bashku me Ambasadorin Alastair King Smith, dhe diplomatët që e shoqëronin, folëm edhe për tema të tjera në lidhje me bashkëpunimin dypalësh.

Presim të vijojmë bashkëpunimin dhe forcojmë partneritetin strategjik mes dy vendeve tona.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co