Karlo Ançeloti fitoi sot me Realin trofeun e Kupës Interkontinentale. Tashmë italiani është më i dekoruari në historinë e trajnerëve të madrilenëve me 15 trofe.

Reali mposhti me rezultatin 3 me 0 Paçukën në finale me golat e Mbape, Rodrigo dhe Vinicius. “Galaktikët” nuk e diskutuan fitoren në Katar për asnjë moment.

Ançeloti i ka arritur 15 trofe në dy periudha, 2013-2015 dhe 2021 deri tani.

Rekordin e mëparshëm e mbante trajneri Migel Munoz, që në 14 vite fitoi dy herë Kupën e Europës, nëntë tituj kampion, dy herë Kupën e Mbretit dhe një herë Kupën Interkontinentale.

Vetë Ançeloti ka fituar tre Champions, dy tituj kampion, dy herë Kupën e Mbretit, dy herë Superkupën e Spanjës, tre herë Superkupën e Spanjës, dy herë Botërorin për klube dhe tashmë Kupën Interkontinentale.

PANORAMASPORT.AL