Në zemër të fshatit olimpik, është restoranti më i madh në botë me 3200 vende, i cili qëndron i hapur gjatë gjithë kohës për në periudhën e Lojërave Olimpike, duke garantuar 40 mijë vakte në ditë.Të gjitha sipas një menuje të ndarë në më shumë sesa pesëqind receta, gjysma e të cilave janë vegjetariane, për të kënaqur çdo shije dhe çdo nevojë, përmes rreth pesëdhjetë pjatave të ngrohta të garantuara. Hapësira është e ndarë në gjashtë sektorë, dy të dedikuar për gastronominë franceze, dy për kuzhinën ndërkombëtare, një për kuzhinën aziatike dhe në fund kuzhinën afrikanokaraibe.

Organizatorët e caktuan punën mesatarisht 2 vakte e gjysmë në ditë për sportist dhe 600 tonë produkte ditore, por mesa duket llogaritja ishte e gabuar. Në fakt, në këto ditë të para të aktivitetit, pati një “sulm” ndaj vezëve dhe mishit të pjekur në skarë, duke i detyruar shefat e kuzhinës t’i racionojnë ato.

Plani i emergjencës u aktivizua automatikisht, me rritjen e furnizimeve për të përshtatur ofertën me kërkesën e pangopur. Avantazhi është se 80% e ushqimit vjen nga furnizuesit brenda një rrezeje prej 250 kilometrash, në përputhje me parimet e ekonomisë së qëndrueshme të dëshiruar nga organizatorët, kështu që ishte e lehtë të korrigjohej shpejt shqetësimi.

PANORAMASPORT.AL

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co