Juventusi ka marrë tre pikët mbrëmjen e sotme falë Kolo Muanisë. Futbollisti francez ka ulur në stol Vlahoviçin që nga momenti kur ka shkelur në Torino. Sulmuesi e ka shpërblyer me gola besimin e Tiago Motës, teksa me dopietën e sotme arrin kuotën e 5 golave në 3 ndeshje me bardhezinjtë.

Kolo Muani tundi rrjetën në minutën e 34-t, por pak përpara se të përfundonte pjesa e parë e lojës Diao ktheu sërish baraspeshën. Komo ia bëri të vështirë ndeshjen “zonjës së vjetër”, e cila mori tre pikët falë golit të shënuar në minutën e 89 të takimit. Ishte sërish Kolo Muani ai që e dërgoi topin pas shpinës së portierit, por këtë herë nga pika e bardhë e penalltisë./Sport Ekspres/

Burimi informacionit @Gazeta Sport Ekspres: Lexo me shume ne : Gazeta Sport News gazeta sport news