Panairi i Librit Shkencor dhe Akademikë ka hapur siparin sot për të tretin vit radhazi në hapësirat e Akademisë së Shkencave të Shqipërisë. Panairi i 3-të mbarëkombëtar i librit akademik dhe shkencor zhvillohet këtë vit në Tiranë, në datat 23-25 prill, si nismë e përbashkët e Akademisë së Shkencave të Shqipërisë dhe Akademisë së Shkencave e Arteve të Kosovës dhe Qendrës Kombëtare të Librit dhe Leximit. Panairi synon që të bëjë të njohura arritjet më cilësore në botimet akademike, shkencore dhe universitare dhe promovimin e figurës dhe personalitetit të shkencëtarit e studiuesit shqiptar në hapësirën mbarëkombëtare.
Në ceremoninë e hapjes përshëndetën kryetari i Akademisë së Shkencave të Shqipërisë z. Skënder Gjinushi, Kreu i Akademisë së Shkencave të Kosovës Mehmet Kraja dhe Drejtoresha e QKLL, Alda Bardhyli.
âPanairi synon njĂ« ridimensionim tĂ« rolit tĂ« shkencĂ«s nĂ« njĂ« shoqĂ«ri tĂ« hapur, njĂ« prani pĂ«rfaqĂ«suese sa mĂ« tĂ« gjerĂ«, duke bĂ«rĂ« bashkĂ« autorĂ«t, botimet, institucionet e kĂ«rkimit dhe IAL-tĂ«, qĂ« nĂ« fokus tĂ« punĂ«s sĂ« tyre kanĂ« librin akademik e shkencorâ, tha Alda Bardhyli.
Si një aktivitet me karakter promovues, konfirmues dhe manifestues, Panairi i 3-të i librit akademik dhe shkencor, Tiranë 2024, do të mundësojë pranëvendosjen në sasi dhe cilësi të botimeve shkencore dhe të autorëve të tyre nga e gjithë hapësira shqiptare, duke synuar lidhjen në një rrjet të botuesve të librit shkencor, në universitete e institute, për të lehtësuar jo vetëm marrjen e informacionit, por edhe mundësinë e shkëmbimeve shkencore, në liri të plotë komunikimi e ndërveprimi.
Tri ditët e panairit, përpos ekspozimit të librit në stenda të dedikuara, përmes promovimeve të arritjeve në nivel akademik; përmes paraqitjes së botimeve më të reja të institucioneve të lidhura drejtpërdrejt me kërkimin shkencor, të kërkuesve; studiuesve, trupave pedagogjikë, botuesve, panairi do të shërbejë si një hapësirë dhe mundësi diskutimi mbi tema të rëndësishme të dijeve shqiptare, kërkimit shkencor dhe të drejtës së autorit.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
