Kanye West edhe një herë në telashe. Reperi, tekstshkruesi, producenti dhe stilisti amerikan u padit nga disa punonjës të kompanisë së tij – Yzy – për disa arsye shumë specifike.

Siç raporton Ansa, në fakt, reperi (i cili tashmë e quan veten Ye) kishte krijuar një mjedis pune çnjerëzor, denigrues dhe as nuk kishte paguar punonjësit e tij.

Jo vetëm kaq, gruaja e tij Bianca Censori gjithashtu dërgoi materiale pornografike te stafi (por ajo nuk është në mesin e të pandehurve).

“I detyruar të punojë me orar të tepërt dhe i tallur haptazi me shaka raciste”

Ye dhe ish-shefi i kabinetit të kompanisë së reperit Milo Yiannopoulos akuzohen se u kanë bërë premtime të rreme pagesash punonjësve të rritur dhe të mitur dhe se i kanë detyruar të punojnë me orar të zgjatur, ndërkohë që janë tallur hapur me shaka raciste dhe i kanë quajtur “skllevër të rinj”.

Faktet datojnë në pranverën e këtij viti, kur Ye vendosi të lançojë një aplikacion për transmetim muzikor për të promovuar albumet e tij të reja në mënyrë të pavarur nga platforma të tjera si Spotify dhe Apple Music.

Për të promovuar debutimin e tij në sektorin e teknologjisë, ai punësoi një grup zhvilluesish të shpërndarë në të gjithë botën, duke përfshirë edhe fëmijë deri në 14 vjeç. Punë në distancë, në komunikim të vazhdueshëm me Ye dhe stafin e tij. Dhe këtu do të ndodhte e pabesueshmja. Duket se kanë përdorur gjuhë vulgare dhe raciste ndaj punonjësve.

Fraza nënçmuese bazuar në moshën, racën, gjininë, orientimin seksual dhe origjinën, nga menaxherët kryesisht të bardhë që koordinonin punën nga selia në Calabasas, në veri të Los Anxhelosit.

Burimi informacionit @BalkanWeb: Lexo me shume ne : Bota Sot News botasot.co