Çelsi ka vendosur të dhurojë një pjesë të fondit të bonuseve të Kupës së Botës për Klube për familjen e futbollistëve të ndjerë Diogo Zhota dhe Andre Silva, sipas raportimeve të The Athletic.

Klubi fitoi mbi 114 milionë dollarë pas pjesëmarrjes në turneun e korrikut, duke siguruar një fitim të konsiderueshëm financiar. Nga kjo shumë, klubi londinez la mënjanë 15.5 milionë dollarë në formë bonuse për futbollistët e tyre.

Lojtarët dhe zyrtarët e klubit ranë dakord të kontribuonin një pjesë të barabartë nga ky fond për familjen e Diogo Zhotës. Ky gjest tregon solidaritetin e komunitetit të futbollit në një periudhë zie dhe humbjeje të madhe. 

PANORAMASPORT.AL

The post Gjesti fantastik nga futbollistët e Çelsit, një pjesë të parave të fituara në Botërorin e Klubeve ia dërgojnë familjes së Diogo Zhotës appeared first on Gazeta Shqiptare Online.