Marcelo Brozoviç i ka dhënë fund karrierës së tij më përfaqësuesen e Kroacisë. Ka qenë vetë mesfushori i cili nëpërmjet një postimi të gjatë në rrjetet sociale, ka shpjeguar se ka marrë vendimin për t’u ndalur edhe pse në moshën 31-vjeçare.

Pas kritikave në adresë të tij për paraqitjen në Europian ku nuk ishte në lartësinë e duhur, mesfushori i cili është pjesë e Al Nasr në Arabinë Saudite, ka vendosur që ta mbyllë me përfaqësuesen në shifrën e 99 ndeshjeve të luajtura me të.

MESAZHI I BROZOVIÇ

“Ju më njihni aq mirë sa të dini që nuk jam një person që flas shumë, ndaj në realitet do të mjaftonte vetëm një numër për këtë letër lamtumire: 99. Kam pasur nderin të luaj shumë herë për kombëtaren kroate dhe me këtë numër do ta mbyll karrierën në kombëtare.

Gjithmonë kam dhënë përkushtimin maksimal, energji, forcë dhe pasion për Kroacinë. Është standardi i vendosur nga shumë lojtarë të mëdhenj para meje, standardi për të cilin kemi aspiruar të gjithë në këtë brez të paharrueshëm dhe standardi për të cilin do të aspirojnë të gjithë ata që vijnë. Ndjej se jam përballur dhe kam arritur gjithçka që kam dashur me Kroacinë dhe se është koha për të sjellë forca të reja që japin njëqind për qind, sepse kjo është e vetmja gjë që ka rëndësi.

99 ndeshje. Ato përmbajnë kujtimet më të rëndësishme të jetës sime futbollistike dhe jam pafundësisht mirënjohës që kam pasur privilegjin të jem pjesë e këtij ekipi. Faleminderit të gjithë trajnerëve dhe të gjithë stafit, si dhe ekipit të Federatës, sepse të gjithë kontribuojnë në krijimin e asaj atmosfere fituese.

Një falënderim i madh shkon për familjen time, sepse ata më mbështesin gjithmonë. Jam i lumtur që kam mundur t’i ndaj këto momente me ta, ashtu si dhe me fansat.

Është e vështirë t’i thuash lamtumirë kombëtares, është e vështirë t’u thuash lamtumirë shokëve të skuadrës. Është e vështirë t’i thuash lamtumirë Lukës dhe Kovës, ne kemi kaluar shumë dhe ishte një kënaqësi e jashtëzakonshme të luaja me ta. Dhe për të gjithë të tjerët, sepse ne dinim të jepnim njëqind për qind në fushë. E di sa shumë do të më mungojë gjithçka: çdo vakt, tensioni para ndeshjes, krenaria e lojës, emocioni i festimit të fitoreve të mëdha me tifozët dhe atë të hëna të zakonshme kur mblidheshim, përqafonim njëri-tjetrin dhe vazhdonim atje ku e kishim lënë herën e fundit.

Por spektakli duhet të vazhdojë ata prej nesh që do të ikim, do të mbeten fansat më të mëdhenj. Kroacia ka dhe do të vazhdojë të ketë një ekip të madh. 99. Disa mund të pyesin: “Atëherë kush është aq i çmendur sa të thotë lamtumirë pas saktësisht 99 ndeshjesh?” Është më shumë se sa mund të kisha kërkuar dhe në të njëjtën kohë ishte më mirë se sa mund të kisha ëndërruar. Dhe kjo është arsyeja pse ato 99 ndeshje ishin epike!”

PANORAMASPORT.AL

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co