Erling Haaland festoi arritjen si golashënuesi më i mirë i të gjitha kohërave të Norvegjisë duke zbuluar se ai dhe e dashura e tij, Isabel Haugseng Johansen, janë në pritje të fëmijës së tyre të parë.
Sulmuesi i shënoi golin e tij të 33-të dhe të 34-të për kombëtaren në fitoren 3-0 ndaj Sllovenisë mbrëmjen e së enjtes.
Ai kaloi shifrën e futbollistit të ndjerë, Jorgen Juve, në listën e golashënuesve të të gjitha kohërave të Norvegjisë. Haaland e arriti këtë sukses në vetëm 36 ndeshje.
Por, teksa festonte Haland zbuloi se partnerja e tij është në pritje të ëmbël. Sulmuesi vendosi topin u këput nën fanellën e tij dhe gishtin e madh në gojë për të treguar se së shpejti do të bëhet baba.
Ai postoi imazhin në Instagram shoqëruar me emoji të bebeve. Johansen mësohet se është takuar me Haaland në akademinë e të rinjve në Bryne, ku të dy kanë luajtur dhe kanë filluar të takohen kur futbollisti ishte në Borussia Dortmund.
Haaland iu bashkua klubit në moshën pesë vjeçare dhe kaloi më shumë se 10 vjet me skuadrën norvegjeze përpara se më vonë të kalonte në RB Salzburg, Dortmund dhe Man City.
Johansen u shpërngul nga Norvegjia e saj në Mançester për të jetuar me Haaland në një apartament në lagjen veriore të qytetit.
