Më në fund Marius Borg Høiby, djali i princeshës së kurorës së Norvegjisë Mette-Marit, thyen heshtjen dhe komenton për herë të parë reagimin e tij të ashpër të ndodhur rreth 10 ditë më parë.

Natën e 4 gushtit, u raportua se ai ka sulmuar një të re në banesën e saj në Oslo dhe më pas është arrestuar. Tani ai pranon gjithçka dhe kërkon falje.

Høiby e bëri këtë deklaratë me shkrim për transmetuesin publik norvegjez NRK përmes avokatit të tij Øyvind Bratlien:

“Diçka ndodhi fundjavën e kaluar që nuk duhet të kishte ndodhur kurrë. Kam sulmuar dhe shkatërruar pronën në një banesë gjatë një debati dhe nën ndikimin e kokainës.

Unë kam çrregullime të shumta të shëndetit mendor që më kanë bërë të kem dhe vazhdoj të kem sfida gjatë gjithë fëmijërisë dhe jetës sime të rritur.

Për një kohë të gjatë kam luftuar me përdorimin e drogës, diçka për të cilën isha trajtuar më parë. Tani do të rifilloj këtë trajtim dhe do ta marr shumë seriozisht.

Por përdorimi i drogës dhe diagnozat e mia nuk e justifikojnë atë që ndodhi të dielën mbrëma fundjavën e kaluar në apartamentin e Frogner (distrikti i Oslos). Unë dua të mbahem përgjegjës për atë që kam bërë dhe do të shpjegohem me sinqeritet në polici”, thuhet në reagimin e 27-vjeçarit.

Në fakt, fotot nga vendi i ngjarjes tregojnë një furi shkatërrimi. Kur mbërriti policia, një thikë ishte ngulur thellë në mur. Një llambadar i thyer ndodhej në dyshemenë prej druri të apartamentit në Oslo.

Ndoshta nën presionin e nënës së tij dhe familjes mbretërore, Marius Borg Høiby i thotë viktimës së tij të dyshuar të dhunës përmes avokatit të tij:
“gjëja më e rëndësishme për mua është t’i kërkoj falje të dashurës sime. Ajo nuk e meritonte atë që ndodhi atë natë dhe as presionin ekstrem nga shtypi norvegjez dhe i huaj më pas. E di që ishte e vështirë të ndiqesha nga fotografë dhe gazetarë në një kohë si kjo. Gjithashtu dua t’i kërkoj falje familjes time. E di që veprimet e mia kanë pasur një ndikim të madh edhe te ju.”

Djali i Princeshës së Kurorës refuzoi kërkesat për intervistë përmes avokatit të tij. Avokati tha: “letra është shkruar me fjalët e tij sipas dëshirës së tij. Nuk do të ketë komente të mëtejshme dhe asnjë pyetje nuk do të marrë përgjigje.”

Viktima e dyshuar, me të cilën Marius është “në një lidhje” sipas prokurorit, ka pësuar një tronditje dhe është dërguar në spital atë natë.

Megjithatë, ende nuk është konfirmuar nëse bëhet fjalë për partneren e tij aktuale, serfisten Rebecca Helberg Arntsen.

Burimi informacionit @BalkanWeb: Lexo me shume ne : Bota Sot News botasot.co