Kefren Turam, mesfushori i Juventusit ka folur menjëherë pas ndeshjes për “DAZN” ku ka shprehur lumturinë për triumfin ndaj Interit.

“Jemi shumë të lumtur që kemi marrë një tjetër fitore. Ishte shumë e rëndësishme sepse luanim ndaj një ekipi të madh dhe në formë. Sigurisht që kjo na jep besim për të ardhmen”, ka thënë fillimisht mesfushori francez.

ROLI- “Sot (dje) isha në një pozicion më ofensiv. Jemi një skuadër dhe duhet që të japim gjithçka për të ndihmuar ekipin. Mua më pëlqen që të sulmoj, por nuk duhet që të harroja me kë luaja. Edhe Kopmainers është një lojtar sulmues, prandaj vendosa që unë të bëja më shumë detyrat mbrojtëse”.

VËLLAI- “Ishte një sfidë e bukur ndaj tij. Është si të luash në oborrin e shtëpisë. Është një ëndërr për mua që të luaj ndaj tij. Ka ende pak dhimbje në kavilje dhe për këtë arsye mendoj që nuk e nisi ndeshjen si titullar”.

BABAI– “Ishte në tribunë në këtë ndeshje dhe sigurisht që më shumë nervoz sesa ne të dy. Kur je në fushë përqendrohesh që të bësh detyrat që të ka dhënë trajneri, ndërsa ai i përjeton më shumë ndeshjet tona”.

PANORAMASPORT.AL