Rreth 90 raketa u hodhën nga Libani në veri të Izraelit këtë mëngjes, sipas ushtrisë izraelite.

“Disa prej lëshimeve u kapën, u zbuluan përplasje në disa zona në veri të vendit, si pasojë e të cilave shpërthyen zjarre në disa lokacione, detajet janë nën hetim”, tha IDF.

Asnjë lëndim apo vdekje nuk është raportuar nga shërbimi i ambulancës izraelite.

Kjo pason vdekjen e komandantit të lartë të Hezbollahut, Taleb Abdullah, në një sulm të supozuar ajror izraelit mbrëmë.

Sulmi në Jouaiyya të Libanit vrau Abdullahun dhe tre anëtarë të tjerë të Hezbollahut.

Abdullah konsiderohet të jetë një nga oficerët më të lartë të Hezbollahut të vrarë që nga shpërthimi më i fundit i armiqësive në tetor të vitit të kaluar.

Hezbollahu nuk ka marrë ende përgjegjësinë për sulmet e mëngjesit të sotëm, edhe pse ka lëshuar rregullisht raketa në veri të Izraelit në muajt e fundit.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co