Presidenti aktual i SHBA-ve, Joe Biden njoftoi të dielën se do të tërhiqet nga gara presidenciale, duke thënë kështu se mbështetja e tij do të jetë për Kamala Harris, e cila aktualisht mbanë pozitën e zëvendëspresidentes.

Presidentja Osmani ka vlerësuar lartë mbështetjen që Biden i ka dhënë Kosovës.

“Nga ditët e tij si senator amerikan deri në mandatin e tij si zëvendëspresident dhe tani si President, Joe Biden gjithmonë ka mbrojtur lirinë, pavarësinë dhe demokracinë e Kosovës. Mirënjohja e popullit të Kosovës do të mbetet gjithmonë e thellë. I urojmë Presidentit Biden një vazhdim të suksesshëm të mandatit të tij dhe gjithë të mirat për të, për Jill Biden dhe familjen e tij në vitet në vijim”, ka shkruar Osmani në “X”.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co