Performanca e dobët e debatit të Biden shqetëson edhe mbështetësit besnikë. Ekspertët e shohin ndryshimin e kandidatit si të vetmen mënyrë për të parandaluar vetëvrasjen politike të demokratëve.

Demokratët e Amerikës bien dakord për një gjë: performanca e presidentit amerikan Joe Biden gjatë debatit të parë televiziv ishte e dhimbshme. Aq patetike sa të gjithë thonë: “Biden duhet të ikë – tani!”.

Por kjo është më e lehtë të thuhet sesa të bëhet. Megjithatë, Partia Demokratike ka disa mënyra se si mund ta largojë Bidenin nga zgjedhjet presidenciale. Por a do të kishte kuptim kjo?

Edhe ish-drejtoresha e komunikimit e Bidenit, Kate Bedingfield, nuk ka fjalë pozitive për Biden: “debate nga Joe Biden ishte një performancë me të vërtetë zhgënjyese”.

Ky është konkluzioni i shumë demokratëve në SHBA. Gjithahstu ekspertët jashtë SHBA po thonë të njëjtën gjë.

Detlef Junker, drejtor themelues i Qendrës Emeritus Heidelberg për Studime Amerikane, thotë për Blick: “këshilltarët e tij nuk i bënë asnjë nder duke e dërguar në këtë debat. Edhe njeriu më budalla duhet ta ketë vënë re këtë gjatë debateve përgatitore në Camp David.”

Biden u shfaq tërësisht si një njeri i dobësuar që kishte kaluar kulmin e tij.

Sipas Ëashington Post, kjo shqetëson edhe mbështetësit më besnikë të Bidenit.

Vetëm një orë pas debatit presidencial të enjten në mbrëmje, Andreë Yang – vetë kandidati demokrat për president në 2020 – i bëri thirrje Biden të jepte dorëheqjen.

“Njerëz, demokratët duhet të emërojnë dikë tjetër – para se të jetë tepër vonë”, shkroi Yang.

Megjithatë zyrtarët demokratë vazhdojnë të mbështesin Biden. Thënia zyrtare është: një performancë e dobët nuk i ndryshon kushtet e fushatës zgjedhore. Përveç kësaj, do të ishte një ndërmarrje e ndërlikuar për të hequr Biden nga fushata zgjedhore.

Teorikisht, partia mund të emërojë një kandidat të ri në konventën e partisë në fund të gushtit nëse Biden e refuzon nominimin.

Megjithatë, kjo është një procedurë e ndërlikuar që nuk është përdorur për dekada.

Sipas rregullave të Komitetit Kombëtar Demokratik (DNC), udhëheqja e partisë nuk mund të heqë thjesht Biden nga lista. Kushdo që dëshiron ta zëvendësojë duhet të mbizotërojë në një proces të hapur emërimi në konferencën e partisë.

Një veprim i tillë do të nënkuptonte se ata brenda partisë do të anulonin rezultatet e zgjedhjeve paraprake në të cilat votuesit demokratë emëruan Biden. Zgjidhja e vetme “e thjeshtë” është: Biden njofton tërheqjen e tij nga fushata zgjedhore.

Por, Biden tregoi se nuk kishte në plan ta bënte këtë, duke u thënë mbështetësve të tij në Atlanta menjëherë pas largimit nga skena e debatit: “Le të vazhdojmë”.

Zëdhënësja e fushatës së Biden, Lauren Hill, ishte edhe më e qartë, duke thënë të premten: “Sigurisht që ai nuk do të largohet”.

Edhe nëse Biden – kundër të gjitha pritjeve – do ta refuzonte nominimin, ky është larg përfundimit të tij.

Eksperti gjermano-amerikan Junker u shpreh “demokratët janë të detyruar të propozojnë një kandidat të ri. Kjo është politikisht dhe juridikisht e vështirë, por do të ishte mënyra e vetme për të parandaluar që partia të kryejë vetëvrasje politike.”

Burimi informacionit @BalkanWeb: Lexo me shume ne : Bota Sot News botasot.co