Kristjan Asllani luajti titullar sot kundër Venecias, ndërsa Interi fitoi 0 me 1 në javën e 20-të të Seria A. Mesfushori i Kombëtares zëvendësoi si duhet Çalhanoglun e dëmtuar.
Asllani luajti për 63 minuta dhe “Panorama Sport” iu sjell statistikat përmes “Sofascore“. Ra në sy prej tij saktësia thuajse “kirurgjikale” në pasime. Kjo pasi 59 nga 62 të tentuara ishin të sakta.
Po ashtu dhe 7 nga 8 topa të gjatë që nisi, ishin të sakta. Më tej pati dhe 1 pasim kyç gjatë ndeshjes, ndërsa 1 herë goditi në portë nga 4 tentativa.
Asllani fitoi 3 nga 6 duelet që pati. Kështu vendosja e tij para mbrojtjes shkoi si duhet, ndërsa Interi nuk pësoi gol.
PANORAMASPORT.AL
The post Asllani spikat në fitoren e Interit, saktësi thuajse kirurgjikale në pasime. Statistikat e mesfushorit të Kombëtares appeared first on Gazeta Shqiptare Online.
