Hakan Çalhanoglu është dëmtuar dhe pritet që Kristjan Asllani të zërë vendin e tij në fushën e lojën. Në një intervistë për “Inter-neës.it”, Fulvio Kolovati ka thënë se mesfushori turk është i vështirë që të zëvendësohet. Ish-futbollisti italian ka thënë se Asllani nuk duhet të mendojë se te Interi do të presin gjithmoë. Sipas tij lojtari shqiptar duhet të marrë përsipër përgjegjësitë.

“Çalhanogluja është i vështirë për t’u zëvendësuar, sepse e konsideroj atë një nga mesfushorët më të mirë në nivel botëror. Ai di të bëjë gjithçka, di të shënojë gola, di të pasojë, di të bllokojë. Ekziston problemi i zëvendësimit të tij. Dhe më duhet të them se prisja diçka më shumë nga Asllani. Për mua është një çështje besimi, por tani kur t’i jepet ai duhet të marrë përgjegjësitë e tij. Asllani nuk mund të mendojë se do ta presin gjithmonë”, ka deklaruar Fulvio Kolovati./Sport Ekspres/

Burimi informacionit @Gazeta Sport Ekspres: Lexo me shume ne : Gazeta Sport News gazeta sport news