Tiago Mota nuk është aspak i lumtur me performancën e skuadrës pas barazimit 2-2 ndaj Venecias. Ai mori përgjegjësitë mbi supe, por nuk i kurseu aspak kritikat për skuadrën që drejton.

“Performanca ishte negative, u përballëm me një ekip që mbrohej mirë. Ndeshja kundër Sitit ishte ndryshe, çdo ndeshje ka historinë e vet. Sigurisht që nuk mund të jemi të lumtur. Pas 1-0 ne duhej të vazhdonim të luanim, duke shkuar në sulm për ta mbyllur ndeshjen. Në vend të kësaj ne i lamë mundësinë kundërshtarëve tanë që ta kthenin rezultatin”.

RASTI VLAHOVIÇ- “Tifozët kanë lirinë të shprehin emocionet e tyre, lojtarët janë të parët që duan të ndryshojnë situatën. Mund të ndodhë, duhet të jemi të bashkuar për të ndryshuar këtë situatë. Ne të gjithë duhet të qëndrojmë së bashku. Sigurisht që ai kërkon respekt sepse nuk është bukur të fyesh”.

SITUATA- “Ne sigurisht nuk jemi aty ku duhet të jemi. Prandaj kritikat janë të drejta edhe pse nuk kam folur kurrë për titullin kampion. Përmirësimi i fazës mbrojtëse kërkon kohë. Kopmeiners? Përgjegjësia është e gjitha e imja, unë duhet ta vendos atë në një pozicion që të performojë sa më mirë”, tha ndër të tjera Tiago Mota.

PANORAMASPORT>AL

The post Tiago Mota mbetet optimist: Paraqitje negative, bashkë e ndryshojmë situatën appeared first on Gazeta Shqiptare Online.